Sambilan Walas Tahun Sudah

Sampai dimana aku sudah bajalan

Sampai dimana aku sudah malangkah

Wayah aku bamula uyuh

Wayah aku bamula rapuh

Balarut batambah umur

Balarut bakurang usia

Kakarunyuk aku mancari

Mancari caramin diri

Kamana aku mancari

Mancari kadada tujuan

Sampai waktu aku harus mancari saurang

Sampai wayah aku uyuh saurang

Larut  sudah wayah aku bakalikiran

Limpua sudah wayah aku bakalayangan

Aku sudah lain anak Halaban

Aku sudah lain anak kayuan

Aku sudah lain…

Lain..

Lain..

dan lain…

Bismillah aku baucap

Aku malangkah ka sambilan walas

Cagar batuha sasar baakal

Dapat juakah aku mahadapi

Mahadapi api makan padang..

Mahadapi jumbatan riyut

Mahadapi padang gusang

Ya Allah…

Ya Rabbi..

Bantangkan jalan nang lurus, supaya….

Batis ulun kada salah..

Baranjah tunggul kahidupan

Nang..

Mambawa ka padang raba..

      Banjarmasin

      22 Juni 2011